काठमाडौं । आज शेयर बजार नेप्से २९ दशमलव ३२ अंकले बढेर १४३४ दशमलव ५७ को विन्दुमा कायम भएको छ । आज म्युचल फण्ड र ट्रेडिङ बाहेक सबै उपसूचक बढेका छन् । सबैभन्दा धेरै माइक्रोफाइनान्स समुह ६ दशमलव ३५ प्रतिशतले बढेको छ । त्यस्तै, निर्जीवन बीमा समुह ५ दशमलव ५५ प्रतिशतले र जीवन बीमा समुह ४ दशमलव ७६ प्रतिशतले बढेका छन् ।
आज दिनभरिमा १ सय ८० कम्पनीको ५८ लाख २९ हजार ५ सय १० कित्ता शेयर २ अर्ब ७८ करोड ५० लाख रुपैयाँको कारोबार भएको छ । सबैभन्दा धेरै सिवम् सिमेन्टको १७ करोडमाथिको कारोबार भएको छ ।
त्यस्तै, हिमालयन डिस्टीलरी र नेपाल लाइफ इन्स्योरेन्स कम्पनीको १२ करोडमाथिको कारोबार भएको छ । शिखर इन्स्योरेन्सको १० करोडमाथिको कारोबामर भएको छ भने ग्रामीण विकास लघुवित्तको ११ करोडमाथिको कारोबार भएको छ ।
आज सबैभन्दा धेरै बोटलर्स नेपालका लगानीकर्ताले सबैभन्दा धेरै ९ दशमलव ९९ प्रतिशतका दरले कमाएका छन् भने राद्यी विद्युत कम्पनीका लगानीकर्ताले सबैभन्दा धेरै ४ प्रतिशतका दरले गुमाएका छन् ।
