काठमाडौं । सिटिजन्स बैंकले दुई अर्ब ५० करोड रुपैयाँ बराबरको ऋणपत्र बिक्री गर्न धितोपत्र बोर्डबाट अनुमति पाएको छ ।
बैंकले धितोपत्र बोर्डबाट प्रतिइकाई एक हजार रुपैयाँ दरमा २५ लाख इकाई ऋणपत्र बिक्री गर्न अनुमति पाएको हो । यसमध्ये १० लाख इकाई सर्वसाधारणका लागि खुला हुने भएको छ । बाँकी १५ लाख इकाई संघसंस्थालाई बिक्री गरिने भएको छ । यस ऋणपत्रमा वार्षिक १० दशमलव २५ प्रतिशत ब्याजदर पाइनेछ ।
बैंकले १० वर्ष अवधिको ‘१०.२५% सिटिजन्स बैंक डिबेन्चर २०८६’ नाममा ऋणपत्र जारी गर्न लागेको हो । बैंकको बिक्री प्रबन्धकको काम ग्लोबल आइएमई क्यपिटलले गर्नेछ । बोर्डको अनुमति पश्चात् बैंकको ऋणपत्र बिक्री प्रक्रिया अघि बढ्नेछ ।
