काठमाडौं । अर्थमन्त्री डा. युवराज खतिवडाले नेपालमा सबै बैंकहरुका सिईओलाई अर्थमन्त्रालयमा बोलाएर छलफल गरेका छन् । वर्तमान गर्भनर डा. चिञ्जीवी नेपालको पदावधी सकिनै लाग्दा अर्थमन्त्रीले गभर्नरहरुसँग सिधा सिधा डिल गरेका हुन् । अर्थमन्त्री डा खतिवडाले क बर्गका वाणिज्य बैंकका सिइओहरुसँग मुलुकको समसामयिक आर्थिक तथा वित्तीय अवस्था एवम् वैंकिङ्ग क्षेत्रमा देखिएका समस्याहरुको बारेमा छलफल गरेको मन्त्रालयले जनाएको छ ।
छलफलमा नेपाल राष्ट्र बैंकका डेपुटी गभर्नर, सबै बैंकका सिईओहरु, अर्थसचिव शिशिर ढुंगानालगायतको उपस्थिति रहेको थियो । अर्थमन्त्री डा. खतिवडाले सबै सिईओहरुलाई राखेर करिब तीन घण्टा छलफल गरेका थिए । छलफलको क्रममा विद्यमान बैंकिङका समस्याको बारेमा खुलेर चर्चा गरिएको एक बैंकका सिईओले बताए । छलफलमा तरलताको अवस्था, कर्जाको माग तथा सम्पत्ति शुद्धिकरण र केवाईसी फारमले निम्त्याएका अप्ठेरा जस्ता विषयले प्रवेश पाएका थिए । त्यस्तै सहुलियतको ऋण बृद्धि गर्ने तथा गाउँका जनतालाई ऋण प्रवाह बढाउने सम्बन्धमा पनि छलफल भएको बताइएको छ ।
छलफलपछि अर्थमन्त्री डा. खतिवडाले उच्च स्तरतीय वित्तीय क्षेत्र समन्वय महाशाखा तथा नेपाल राष्ट्र बैंक तथा बैंकर संघसँग समन्वय गरी समस्याहरु हल गर्न निर्देशन दिएका छन् । सोमबार आयोजना गरिएको छलफलले नेपालको अर्थतन्त्रलाई अझै तीव्र गतिमा अघि बढाउने विश्वास व्यक्त गरिएको छ ।
