काठमाडौं । बैदेशिक रोजगारीमा गएका रोल्पाका एक युवाले १२ लाख रुपैयाँ उपहार पाएका छन् । वैधानिक बाटोबाट रेमिट्यान्स पठाउँदा रोल्पाका झकबहादुर गिरीले निसानको सनी कार बराबरको १२ लाख रुपैयाँ प्राप्त गरेका हुन् ।
दुबईबाट १० हजार रुपैयाँ आफ्नो घरमा पठाएका उनले लक्की ड्रको माध्यमबाट कार उपहार पाएका थिए । कम्पनीले दुबईको मूल्यमा कारको हिसाब गरी कर कट्टा गरेर १२ लाख रुपैयाँ दिएको हो । अलअहलिया एक्सचेञ्जले सन् २०१९ को डिसेम्बर १५ देखि फ्रेबुअरी १२ सम्म संसारभर रकम पठाउने ग्राहलाई भेला पारेर उपहार दिने व्यवस्था गरेको थियो ।
गत बिहीबार आबुधाबीमा खोलिएको लक्की ड्र अन्तर्गत गिरीले योजनाको पहिलो कार पाएका हुन् । सुरुमा वितरण गरिएको ३ वटा कारका लागि आबुधाबीको इलेक्ट्रा शाखामा बिहीबार गोलाप्रथा गरिएको हो । त्यसमध्ये बाँकी २ कार एक पाकिस्तानी र एक भारतीय नागरिकले पाएका हुन् ।
