काठमाडौं । लगानी सम्मेलनको तयारीमा रहेको प्रदेश नं ५ सरकारले बैंकर्स संघसँग छलफल गरेको छ । प्रदेश नं ५ का मुख्यमन्त्री शंकर पोखरेलले लगानी सम्मेलनको पूर्व तयारी स्वरुप नेपाल राष्ट्र बैंकका डेपुटी गभर्नर चिन्तामणि सिवाकोटीको उपस्थितिमा बैंकरहरुसँग छलफल गरेको हो ।
भेटवार्तामा प्रदेश नं ५ को मुख्यमन्त्रीले लगानीको सम्भावनाबारे चर्चा गरेका थिए । बैंकर्स संघका अध्यक्ष भुवन दाहालको नेतृत्वमा रहेको बैंकर्स संघको टोली र प्रदेश नं ५ का प्रतिनिधिबीच भेटवार्ता भएको हो । सम्मेलनअघि बैंक तथा वित्तीय संस्थाहरुको एउटा कार्यदल बनाएर अघि बढ्ने विषयमा छलफल भएको छ ।
