काठमाडौं । नेपाल राष्ट्र बैंकले वित्तीय अनुशासन पालना नगरेको आरोपमा सिटिजन्स बैंक, सिभिल बैंक र सेन्चुरी बैंकलाई कारवाही गरेको छ । सिजिन्स बैंकलाई नेपाल राष्ट्र बैंकले सम्पत्ति शुद्धीकरण (मनी लाउन्डरिङ) सम्बन्धि ऐन र निर्देशन पालना नगरेको भन्दै राष्ट्र बैंकले कारवाही गरेको हो ।
राष्ट्र बैंकले सिटिजन्स बैंकलाई २० लाख रुपैयाँ जरिवना तिराएको छ । नेपाल राष्ट्र बैंकलाई सम्पत्ति शुद्धीकरणसँग सम्बन्धित ब्यवस्था उल्ल्घनमा पाँच लाखदेखि १० करोडसम्म जरिवाना भएपनि जम्मा २० लाख रुपैयाँ मात्रै जरिवना तिराएको हो ।
त्यस्तै क बर्गको बैंकको रुपमा कारोकार गर्दै आएको सिभिल बैंकले कर्जा स्रोत परिचालन अनुपात कायम गर्न नसक्दा केन्द्रीय बैंकको कारवाहीमा परेको छ । सिभिल बैंकले ३७ लाख ५७ हजार ४ सय ४५ रूपैयाँ जरिवाना तिरेको केन्द्रीय बैंकले जनाएको छ । उता, सेञ्चुरी बैंक पनि कर्जा स्रोत परिचालन अनुपातमा फेल भएका कारण राष्ट्र बैंकको कारवाहीमा परेको छ ।
यसअघि कृषि क्षेत्रमा सरकारको तोकेको मात्रामा ऋण लगानी नगरेको भन्दै नेपाल बंगलादेश बैंक पनि कारवाहीमा परेको थियो ।
