काठमाडौं । आरएसडिसी लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । यस अवधिसम्म संस्थाले अधिकांश सूचकमा सुधार गरेको देखिन्छ ।
यस अवधिसम्ममा लघुवित्तले ४ करोड ६० लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिको तुलनामा संस्थाको नाफा ६१.८१ प्रतिशतले बढी हो । गत आर्थिक वर्षको सोही अवधिमा लघुवित्तले २ करोड ८४ लाख रुपैयाँ खुद नाफा कमाएको थियो ।
६७ करोड १५ लाख रुपैयाँ चुक्ता पूँजी भएको लघुवित्तको जगेडा कोषमा ११ करोड ३७ लाख रुपैयाँ सञ्चित छ ।
लघुवित्तले यस अवधिसम्ममा ३ अर्ब ४ करोड ६९ लाख रुपैयाँ सापटीबाट ३ अर्ब २१ करोड ३१ लाख रुपैयाँ कर्जा लगानी गरेको छ ।
लघुवित्तले पुस मसान्तसम्ममा ७ करोड ८२ लाख रुपैयाँ खुद ब्याज आम्दानी गरेको छ । यो गत आर्थिक वर्षको सोही अवधिको तुलनामा २ करोड २६ लाख रुपैयाँ बढी हो । समिक्षा अवधिमा लघुवित्तको सञ्चालन मुनाफा २ करोड ९६ लाख रुपैयाँ बढेर ७ करोड २१ लाख पुगेको छ ।
लघुवित्तको प्रतिशेयर आम्दानी १३ रुपैयाँ ७३ पैसा रहेको छ भने प्रतिशेयर नेटवर्थ ११६ रुपैयाँ ९४ पैसा रहेको छ । लघुवित्तको मूल्य आम्दानी अनुपात २९.८७ गुणा रहेको छ ।
