काठमाडौं । पश्चिमी वायुका प्रभावसँगै काठमाडौंको मौसम खराव हुँदा जहाजहरु उडान र अवतरणमा समस्या परेको छ । मलेसियाको राजधानी क्वाललम्पुरबाट आएको मालिन्दो एयरलाइन्सको जहाजले काठमाडौंमा अवतरणको प्रयास गर्दा असफल भएपछि पुनः उडान भर्दै बारा माथिको आकाशमा पुगेर फन्को मारिरहेको छ ।
एमएक्सडी १८४ उडान नं बाट आएको जहाज १२ः३० मा काठमाडौंस्थित विमानस्थलमा अवतरण गर्नुपर्नेमा यो समाचार तयार गर्दासम्म अवतरण गरिसकेको छैन ।
काठमाडौंमा अवतरण गर्ने प्रयास खराव मौषमका कारण असफल भएपछि जहाजले पुनः उचाई लिँदै धादिङ भएर मकवानपुर हुँदै बारा माथिको आकाशमा पुगेर फन्को मारेको छ । काठमाडौंस्थित विमानस्थल कार्यालयले मौषम खराव भएकाले अवतरण हुन नसकेको जनाएको छ ।
