काठमाडौं । भारतमा बीमा बजारमा जीवन बीमा व्यवसाय उदाउँदो रुपमा छ । स्वीस–री नामक पुनर्बीमा कम्पनीले निकालेको प्रतिवेदन अनुसार भारतको जीवन बीमाकोे हिस्सा १० औं स्थानमा रहेको छ ।
भारतीय बीमाको नियमक निकाय बीमा नियमन तथा विकास प्राधिकरणले निकालेको आर्थिक वर्ष २०१८।१९ को प्रतिवेदनका अनुसार भारतमा एक वर्षमा दुई करोड ८६ लाख पोलिसीहरु बिक्री भएका छन् । कूल दुई करोड ८६ लाख पोलिसीहरु विक्री हुँदा ३६ प्रतिशत पोलिसीको हिस्सा महिलाको रहेको छ ।
त्यस्तै, आर्थिक वर्ष २०१८।१९ मा प्रथम बीमा शुल्क आर्जन ९७ हजार ६ सय ९० करोड आर्जन गरेको थियो । कुल बीमा शुल्क ९७ हजार ६ सय ९० करोड आर्जनमा ३७ प्रतिशत हिस्सा महिलाको रहेको छ ।
तथ्याङ्क अनुसार हाल भारतमा छ लाख तीन हजार २ सय ८ जना महिला बीमा अभिकर्ताहरु कार्यरत छन् । कुल अधिकर्तामध्ये २७ दशमलव ५ प्रतिशत हिस्सा महिला अभिकर्ताले ओगटेको छ । भारतको कुल जनसंख्या एक अर्ब ३४ करोड रहेकोछ । जसमध्ये ४८ प्रतिशत हिस्सा महिलाको रहेको छ भने ५२ प्रतिशत हिस्सा पुरुषको रहेको छ ।
