काठमाडौं । सिटिजन्स बैंक र सहयोगी विकास बैंक एक आपसमा मर्जर हुनेगरी अन्तिम सम्झौता पत्रमा हस्ताक्षर गरेका छन् । सोमबार यी दुई संस्थाबीच अन्तिम सम्झौतामा हस्ताक्षर भएको जनाइएको छ ।
सम्झौतामा सिटिजन्स बैंकको तर्फबाट संचालक तथा प्राप्ति समितिका संयोजक प्रवल जंग पाण्डे र सहयोगीको तर्फबाट संचालक तथा मर्जर तथा प्राप्ति समितिका संयोजक डिल्ली प्रकाश घिमिरेले हस्ताक्षर गरेका हुन् ।
दुवै बैंकले आ—आफ्नो विशेष/वार्षिक साधारण सभाबाट प्राप्ति सम्बन्धि विशेष प्रस्ताव पारित गरी नेपाल राष्ट्र बैंकको अन्तिम स्वीकृति पछि एकीकृत कारोबार सुरु गर्नेछन् । दुवै बैंकले गत असार २२ गते प्राप्तिका लागि प्रारम्भिक समझदारीमा हस्ताक्षर गरेका थिए ।
मर्जर सम्झौता अनुसार सहयोका शेयरधनीहरुले १०० कित्ता शेयर वरावर सिटिजन्स बैंकको ९१.७५ कित्ता शेयर पाउनेछन् । हाल सिटिजन्स बैंकको चुक्ता पूँजी ८ अर्ब ६२ करोड रुपैयाँ रहेकोमा प्राप्ति पछिको चुक्ता पूँजी ९ अर्ब ८ करोड रुपैयाँ हुने जनाएको छ ।
