काठमाडौं । मल्टिपर्पस फाइनान्सको २० लाख कित्ता सेयर लिलामीमा आवेदन दिने आज अन्तिम दिन रहेको छ । कम्पनीले पुस १४ गतेबाट सस्ंथापक समूहको १८ लाख ५० हजार सात सय २१ कित्ता र सर्वसाधारण समूहको १ लाख ४९ हजार छ सय ५७ कित्ता सेयर बिक्री खुला गरेको थियो ।
कम्पनीले यसअघि असोज ३० गतेबाट कात्तिक ७ गतेसम्म १८ लाख ६० हजार ७२१ कित्ता संस्थापक र ६ लाख २६ हजार ५५७ कित्ता सर्वसाधारण समूहको सेयर बिक्री खुला गरेको थियो । त्यतिबेला सबै बिक्री नभएपछि बाँकी रहेको सेयर पुनः लिलामी प्रक्रियाबाट बिक्रीमा ल्याइएको हो ।
लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्छ । बिक्री प्रबन्धक सिभिल क्यापिटल मार्केट सुन्धारा, काठमाडौं र मल्टिपर्पस फाइनान्सको केन्द्रीय कार्यालय, राजविराज सप्तरीबाट आवेदन दिन पाइने छ ।
साथै, सिभिल बैंकको विराटनगर, वीरगञ्ज, पोखरा, नेपालगञ्ज, विरेन्द्रनगर, धनगढी, विर्तामोड, जनकपुर, हेटौंडा, नारायणघाट र घोराही शाखाबाट पनि लिलामी सेयरमा आवेदन दिन सकिने संस्थाले जनाएको छ ।
