काठमाडौं । मेगा बैंक नेपालले उपत्यकामा थप चार वटा एक्सटेन्सन काउन्टर सञ्चालनमा ल्याएको छ । बैंकले काठमाडौँंको टोखा नगरपालिकाको झोर, भक्तपुरको सूर्यविनायक नगरपालिकाको गाम्चा, भक्तपुरकै भक्तपुर नगरपालिकाको कमलविनायक र ललितपुरको ललितपुर महानगरपालिकाको सुनाकोठीमा नयाँ एक्सटेन्सन काउन्टर विस्तार गरेको हो ।
सो क्षेत्रमा एक्सटेन्सन काउन्टरको संख्या विस्तारसँगै सेवा अझै सहज हुने न्यून आय भएका जनताका बीचमा पनि सेवा पुग्ने विश्वास लिएको बैंकले जनाएको छ । थप भएका एक्सटेन्सन काउन्टरसहित मेगा बैंकको एक्सटेन्सन काउन्टर संख्या २५ पुगेको छ ।
मेगा बैंकका उपत्यकासहित देशभर १ सय ११ वटा शाखा कार्यालयहरु, ११४ वटा एटीएम, ११९ वटा शाखारहित बैंकिङ सेवा र ३ हजार भन्दा बढी मेगा रेमीट सञ्जाल रहेको छ ।
