काठमाडौं । कृषि विकास बैंकको १३ औं वार्षिक साधारण सभा सम्पन्न भएको छ । उक्त सभा बैंकको केन्द्रीय तालिम प्रतिष्ठान बोडे, भक्तपुरमा आइतवार सम्पन्न भएको हो ।
सभाले चुक्ता पूँजीको २४ (कर सहित) प्रतिशत नगद लाभांश र ६ प्रतिशत बोनस शेयर वितरण गर्नेे प्रस्ताव पारित गरेको छ ।
सभामा बैंककको अधिकृत, जारी तथा चुक्ता पुँजी वृद्धि गर्ने विषयहरु समावेश गरिएको बैंकको प्रबन्धपत्र र नियमावलीको संशोधन गर्न सञ्चालक समितिलाई अख्तियारी दिने पारित भएको छ ।
बैंकका प्रमुख कार्यकारी अधिकृत अनिल कुमार उपाध्यायले शेयरधनीहरुले सभामा व्यक्त गरेका सुझावहरुलाई नियमानुसार कार्यन्वयन गर्दै जाने प्रतिवद्धता समेत व्यक्त गरे ।
सभामा बैंक संचालक समितिका अध्यक्ष क्षेत्र बहादुर सेंजुवालले बैंकले मुलुकभरका २७४ वटा शाखाहरुबाट आधुनिक बैकिङ सेवा र्पुयाउन सफल भएकाभएको बताए ।
