काठमाडौं । आज विहानै इरानमा दुर्घटनाग्रस्त भएको युक्रेन एयरलाइन्सको जहाजमा सवार सबै यात्रुको मृत्यु भएको इरानी संचार माध्यमहरुले जनाएका छन् । जहाजमा १७६ यात्रु तथा चालक दलका सदस्य रहेको जनाइएको छ । जहाज जलेर खरानी भएको छ भने शवहरु संकलन गरिएको छ ।
इरानको राजधानी तेहरानबाट उडेको जहाज टेकअफ गरेको दुई मिनेटपछि नै दुर्घटनाग्रस्त भएको थियो । दुर्घटनाको कारण खुल्न बाँकी छ । जहाज बोईङ ७३७–८०० भएकोले यसअघि म्याक्समा झै समस्या आएको पनि हुनसक्नेछ । त्यस्तै अमेरिकी ड्रोन हमलाबाट पनि दुर्घटना भएको हुनसक्ने अनुमान गरिएको छ । जहाजमा सवार सबैको मृत्यु भएको इरानी सञ्चार माध्यमले जनाएको छ ।
अन्तर्राष्ट्रिय उडानमा रहेको जहाज दुर्घटनामा परेकाले जहाजको मूल्य र यात्रुको दावी बापतको ठूलो रकम पीडितहरुलाई भुक्तानी हुनेछ । बोईङ ७३७–८०० जहाजको मूल्य झण्डै पाँच अर्ब र १८० यात्रु तथा चालकदल समेत गर्दा झण्डै दुई अर्बभन्दा बथि बीमा दावी भुक्तानी पर्नेछ । युक्रेनको एयरलाइन्स भएकाले युरोपियन बीमा तथा पुनर्बीमा कम्पनीमाथि सो दुर्घटनाको आर्थिक भार पर्ने देखिएको छ । 
