काठमाडौँ । मुक्तिनाथ विकास बैंक १४ औं वर्षमा प्रवेश गरेको छ । १४ औँ वर्ष प्रवेश गरेको उपलक्ष्यमा बैंकले आफ्ना १८ वटा शाखाको एकै पटक डिजिटल उद्धघाटन गरेको जनाएको छ ।
केन्द्रिय कार्यालयबाटै डिजिटल विधिद्वारा शनिबार एक समारोहका बीच देशका विभिन्न स्थानमा रहेका १८ वटा शाखाको उद्धघाटन गरिएको बैंकले जनाएको छ ।
शनिबार उद्धघाटन गरिएका शाखा कार्यालयहरुमा काठमाडौंको बत्तिसपुतली, ललितपुरको भैंसेपाटी, नुवाकोटको बट्टार, कास्कीको नदीपुर र बेगनासताल, तनँहुको आँबुखैरेनी, लमजुङ्गको बेसीशहर, चितवनको टाँडी, नवलपुरको गैंडाकोट,पाल्पाको रामपुर, दाङ्गको लमही, बाँकेको कोहलपुर, कैलालीको लम्की र धनगढी,झापाको काँकरभिट्टा, ईलामको इलाम, धनकुटाको धनकुटा, सुनसरीको दुहवी रहेका छन् ।
१४ औं बार्षिकोत्सवको अवसरमा जेहेन्दार विद्यार्थीहरुलाई छात्रवृत्ति वितरण, विद्यालयमा स्टेशनरीका सामाग्री हस्तान्तरण, अनाथलय तथा वृद्धाश्रममा खाद्यान्न तथा लत्ता कपडा वितरण, चेपाङ्ग संरक्षण समितिलाई खाद्यान्न वितरण, सफाईको लागि शहरी क्षेत्रमा डस्वीन वितरण र तराईका शीतलहरबाट प्रभावित जनतालाई कम्बल वितरण गरेको बैंकले जनाएको छ ।
