काठमाडौं । १० कम्पनीको लाभांश सुरक्षित गर्ने आज अन्तिम दिन रहेको छ । किसान माइक्रोफाइनान्स, मिथिला लघुवित्त, उन्नति माइक्रोफाइनान्स, फरवार्ड कम्युनिटी, कञ्चन डेभलपमेण्ट बैंक, नेपाल दूरसञ्चार कम्पनी र सांग्रिला डेभलपमेण्ट बैंक, आइसीएफसी फाइनान्स, मञ्जुश्री फाइनान्स र छयाङदी हाइड्रोपावरको लाभांश सुरक्षित गर्ने आज अन्तिम दिन रहेको छ ।
यी दश कम्पनीको लाभांश पाउनको लागि आजसम्म शेयर कायम गनुपर्ने हुन्छ ।
किसान माइक्रोफाइनान्सले आगामी पुस २६ गते साधारण सभा आयोजना गरेको छ । कम्पनीले शेयरधनीका लागि २३ दशमलव ९५ प्रतिशत बोनस शेयर तथा १ दशमलव १४ प्रतिशत नगद लाभांश वितरण गर्ने प्रस्ताव पारित गर्नेछ ।
मिथिला लघुवित्तको साधारण सभा पुस २९ गते आयोजना गरेको छ । सभाले १५ प्रतिशत बोनस शेयर र शून्य दशमलव ७९ प्रतिशत नगद लाभांश (कर प्रयोजनको लागि) वितरण गर्नेछ ।
उन्नति माइक्रोफाइनान्सको साधारण सभा पुष २९ गते हुने भएको छ । उन्नति माइक्रोफाइनान्सले शेयरधनीलाई ३८ दशमलव ६० प्रतिशत बोनस शेयर र २ दशमलव ०३ प्रतिशत नगद लाभांश वितरण गर्ने प्रस्ताव रहेको छ ।
फरवार्ड कम्युनिटीको पनि साधारण सभा पुष २९ गते हुने भएको छ । सभामा कम्पनीले फरवार्ड कम्युनिटीले ३२ शदमलव ५० प्रतिशत बोनस शेयर र १२ दशमलव ५० प्रतिशत नगद लाभांश वितरण गर्ने प्रस्ताव गरेका छ ।
कञ्चन डेभलपमेण्ट बैंक, नेपाल दूरसञ्चार कम्पनी र सांग्रिला डेभलपमेण्ट बैंकले पुस २९ गते साधारण आयोजना गरेका छन् ।
कञ्चन डेभलपमेण्ट बैंकले १० प्रतिशत बोनस शेयर र ६ प्रतिशत नगद लाभांश, नेपाल दूरसञ्चार कम्पनीले प्रतिकित्ता रू. ४५ का दरले नगद लाभांश र सांग्रिला डेभलपमेण्ट बैंकले ८ दशमलव ९५९३ प्रतिशत नगद लाभांश वितरण गर्ने प्रस्ताव रहेको छ ।
त्यसैगरी आइसीएफसी फाइनान्सले आफ्ना लगानीकर्तालाई ५ प्रतिशत बोनश शेयर तथा ८ प्रतिशत नगद लाभांश वितरण गर्ने प्रस्ताव गरेको छ ।
मञ्जुश्री फाइनान्सले एक दशमलव ७५ प्रतिशत बोनश शेयर र ९ दशमलव ८ प्रतिशत नगद लाभांश गरी कुल ११ दशमलव ५५ प्रतिशत लाभांश दिने प्रस्ताव गरेको छ ।
त्यसैगरी छयाङदी हाइड्रोपावर कम्पनीले ५ प्रतिशत बोनश शेयर र ० दशमलव २६ प्रतिशत नगद लाभांश गरी कुल ५ दशमलव २६ प्रतिशत लाभांश दिने प्रस्ताव गरेको छ ।
