काठमाडौं । एनएमबि बैंकको वार्षिक साधारण सभा बस्ने ठाँउ परिवर्तन भएको छ । यसअघि बैंकले राष्ट्रिय सभागृह, प्रदर्शनीमार्ग ,काठमाडौंमा साधारण सभा गर्ने बताएको थियो । राष्ट्रिय सभा गृहले हल उपलब्ध गराउन नसक्ने जानकारी गराएपछि साधारण्ण सभा बस्ने ठाउँ परिवर्तन गरेको बैंकले जनाएको छ ।
अब बैंकको साधारण सभा पुस २४ गते बिहान १० बजे नेपाल प्रशासनिक प्रशिक्षण प्रतिष्ठान जावलाखेल ललितपुरमा हुने जनाएको छ । सभामा बैंकले ३५ प्रतिशत लाभांश वितरण गर्ने प्रस्ताव पेश गर्दैछ ।
साधारण सभा प्रयोजनका लागि यस बैंकले पुस ४ गतेदेखि पुस २४ गतेसम्म बुक क्लोज गरेको छ । पुस ३ गतेसम्म कायम सेयरधनीले लाभांश पाउँदैछन् ।
एनएमबिले गत वर्षको नाफाबाट लगानीकर्तालाई २१ प्रतिशत बोनस सेयर र १४ प्रतिशत नगद गरी कुल ३५ प्रतिशत लाभांश वितरण गर्न लागेको हो ।
त्यस्तै, कुनै उपयुक्त बैंक तथा वित्तीय संस्थासँग मर्ज वा एक्विजिसन गर्नका लागि आवश्यक कामको जिम्मेवारी सञ्चालक समितिलाई दिने एजेन्डा पनि राखिएको छ । संस्थापक समूहबाट ३ जना र सर्वसाधारण समूहबाट ३ जना गरी ६ जना सञ्चालकको निर्वाचन गर्ने प्रस्ताव रहेको छ ।
लेखापरीक्षक नियुक्त गरी पारिश्रमिक निर्धारण गर्ने लगायतका विभिन्न प्रस्ताव पनि पेश हुँदैछ ।
