काठमाडौं । बाक्लो हुस्सुले ढाकेपछि राजधानी काठमाडौं उपत्यकामा चिसो ह्वात्तै बढेको छ भने हवाई उडान समेत प्रभावित भएको छ । बाक्लो हुस्सुको कारण भिजिबिलिटी नहुँदा काठमाडौंस्थित त्रिभुवन विमानस्थलमा आज विहानैदेखि जहाज उडान र अवतरण हुन नसकेको विमानस्थल कार्यालयले जनाएको छ ।
जल तथा मौषम विज्ञान विभागले तराई र काठमाडौं उपत्यकामा आज विहानैदेखि बाक्लो हुस्सु लागेकोले चिसो बढ्ने जनाएको छ । विभागका अनुसार सिंगो तराई हुस्सुले ढाकेको छ । तराईमा शितलहर सुरु भएको छ । जाडो बढेका तराईका जिल्लाहरुमा दाउरा वितरण गर्न ढिलाई भएको सो क्षेत्रका जनताको गुनासो छ ।
