काठमाडौं । गत साता मात्रै हिमपात र पानी परेपछि बढेको चिसो अझै बढ्ने भएको छ । पश्चिमी वायुको प्रभावले शनिबारदेखि देशभर आंशिकदेखि सामान्य बदली रही उच्च पहाडी तथा हिमाली भू–भागमा हल्कादेखि मध्यम हिमपात र पहाडी भू–भागका केही स्थानमा हल्का वर्षाको सम्भावना रहेको मौसम पूर्वानुमान महाशाखाले एक बुलेटटिनमार्फत जनाएको छ । महाशाखाले गत साता पानी परेर खुलेको मौषम पुनः बिग्रेको जनाएको छ ।
शनिबार बदली भएको मौषम सम्बन्धी एक बुलेटिन जारी गर्दै महाशाखाले पश्चिमी वायुको प्रभावले देशका उच्च पहाडी तथा हिमाली भू–भागमा हल्कादेखि मध्यम हिमपात र वर्षा हुने सम्भावना रहेको जनाएको छ । साथै महाशाखाले राजधानी काठमाडौं उपत्यकासहित देशैभरिको तापक्रममा गिरावट आउने जनाएको छ । तराईमा बाँक्लो हुस्सु र कुहिरो लाग्नेछ भने पहाडी क्षेत्रमा तुषारोले सताउने छ ।
मौषममा आएको बदलीसँगै स्वास्थ्य बीमा अन्तर्गतको दावीमा बृद्धि हुनेछ भने टान्जिटको क्रममा रहेका मालबस्तु बिग्रन गई भएको क्षतिको बीमा दावी पर्ने सम्भावना रहन्छ ।
