काठमाडौं । नेशनल माइक्रोफाइनान्स लघुवित्त वित्तीय संस्थाको लाभांश सुरक्षित गर्ने आज अन्तिम दिन रहेको छ । कम्पनीले भोली सोमबार (१६ गते देखि २९ गतेसम्म बुक क्लोज गर्दैछ । आज आइतबारसम्म कायम रहेका सेयरधनीले लाभांश पाउनेछन् ।
कम्पनीले मंसिर २९ मा साधारण सभा गर्ने भएको छ । सभा क्रिक रिसोर्ट, धादिङबेसीमा बिहान ११ बजे सुरु हुने जनाएको छ ।
कम्पनीले गत वर्षको नाफाबाट ७५ प्रतिशत बोनस सेयर र ५ प्रतिशत नगद लाभांश दिन लागेको हो ।
सभामा कम्पनीले बोनसपछि कायम हुने पुँजीबाट ५० प्रतिशत हकप्रद ल्याउन विशेष प्रस्ताव पेश गर्दैछ ।
त्यस्तै, सभामा कम्पनीले अन्य कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव गर्नेछ भने आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा रहेको कम्पनीले जनाएको छ ।
