काठमाडौं । दुई तिहाई सरकारको नेतृत्व गरिरहेको नेपाल कम्युनिष्ट पार्टी नेकपाले राजधानी भक्तपुरमा ठूलो धक्का व्यहोरेको छ । हिजो सम्पन्न भएको उप निर्वाचनमा भक्तपुर क्षेत्र नम्बर १ (क) मा नेपाली कांग्रेस विजयी भएको छ ।
कांग्रेस उम्मेदवार कृष्णलाल भँडेल १३ हजार ७४८ मत सहित प्रदेशसभा सदस्यमा विजयी भएका हुन् । उनका निकटतम प्रतिस्पर्धी नेकपाका उम्मेदवार डीपी ढकालले ११ हजार २ सय १० मत पाएका छन् । नेकपाबाट ढकाललाई उम्मेदवार बनाएको विषयमा पार्टीभित्रै चर्को विरोध भएको थियो । नेमकिपाका निरज लवजुले ५ हजार ८२९ मत पाएका छन् । कांग्रेस बिजयी भएको औपचारिक घोषणा हुन भने बाँकी छ ।
दुई तिहाई सरकारको नेतृत्व गरिरहेको नेकपाले राजधानीमै आफ्नो पहुँच गुमाउन पुगेको छ । देशैभरिका निर्वाचनहरुमा वडा अध्यक्ष पद समेत नेकपाबाट कांग्रेसले खोसेको हो । 
