काठमाडौं । चालु आर्थिक बर्षको कात्तिकसम्ममा जीवन बीमालेखमा २५ प्रतिशतले वृद्धि भएको छ भने म्यादी बीमा कारोबारमा भने ह्रास आएको छ ।
बीमा समितिका अनुसार कात्तिक मसान्तसम्ममा कूल ६७ लाख ९३ हजार ४ सय १७ वटा बीमालेख बिक्रि गरेका छन् । गत बर्ष जीवन बीमा कम्पनीहरुको जीवन बीमालेखबाट ५४ लाख २३ हजार ५ सय ४९ बीमालेख विक्रि गरेकोमा यस वर्ष उल्लेख्य रुपमा बृद्धि भएको तथ्याङ्कले देखाएको छ ।
स्रोत : बीमा समिति
त्यस्तै वैदेशिक रोजगार बीमालेख भने १० प्रतिशतले घटेको छ । १९ जीवन बीमा कम्पनीहरुमार्फत गत बर्ष १६ लाख चार हजार ४ सय ४३ वटा बीमालेख बिक्री गरेको थियो ।
चालु आर्थिक बर्षको कात्तिक मसान्तसम्ममा जीवन बीमा कम्पनीको १४ लाख ३० हजार २ सय ८१ वटा बीमालेख बिक्री गरेका छन् । वैदेशिक रोजगारीको लागि मलेसिया जाने कामदार रोकिएपछि गत आर्थिक वर्षमा रेमिट्यान्स प्रवाहमा समेत ठूलो असर परेको थियो । सोही कारण म्यादी बीमामा केही गिरावट आएको तथ्याङ्कले देखाएको छ ।
जीवन बीमा कम्पनीहरुले गत बर्ष जीवन बीमालेख र वैदेशिक बीमालेखबाट कुल ७० लाख २७ हजार बीमालेख बिक्री गरेका थिए भने चालु आर्थिक बर्षको कात्तिक मसान्तसम्ममा जीवन बीमा र वैदेशिक बीमालेखबाट ८२ लाख २३ हजार ६ सय ६९ वटा बीमालेख बिक्री गरेका छन् । गत बर्षको तुलनामा १७ प्रतिशतले कुल जीवन बीमालेख सङख्यामा वृद्धि भएको देखिएको छ ।
