काठमाडौँ । सगरमाथा इन्स्योरेन्सले चालु आर्थिक वर्ष २०७६/७७ को प्रथम त्रैमासको वित्तीय विवरण सार्वजनिक गरेको छ । समीक्षा अवधीमा कम्पनीको कूल बीमा शुल्कमा बृद्धि भएको छ भने मुनाफामा २६ प्रतिशतले बृद्धि भएको छ ।
प्रथम त्रैमासको अवधिमा कम्पनीले ६७ करोड ६९ लाख रुपैयाँ कुल बीमा शुल्क आर्जन गरेको छ । गत आवको सोही अवधिमा कम्पनीले ६० करोड ५८ लाख रुपैयाँ कुल बीमा शुल्क आर्जन गरेको थियो ।
प्रथम त्रैमासको अवधिमा कम्पनीले ५ करोड १ लाख रुपैयाँ नाफा कमाएको छ । गत गत आवको सोही अवधिमा कम्पनीले ३ करोड ६९ लाख रुपैयाँ खुद नाफा गरेको थियो । उल्लेखित बृद्धि २६ प्रतिशत हो ।
चालु आवको प्रथम त्रैमासको अवधिमा कम्पनीले ४३ हजार ९ सय १६ बीमालेख जारी गरेको छ । कम्पनीले प्रथम त्रैमासको अवधिमा २३ करोड ७६ लाख रुपैयाँ दाबी भुक्तानी गरेको छ ।
चुक्ता पूँजी १ अर्ब १२ लाख रुपैयाँ रहेको कम्पनीको जगेडा कोषमा ३९ करोड ३३ लाख रहेको छ । यस्तै, कम्पनीको बीमा कोषमा ४८ करोड ८७ लाख रुपैयाँ संचिति छ । कम्पनीको प्रतिशेयर आम्दानी २० रुपैयाँ रहेको छ । च्यस्तै, प्रति शेयर नेटवर्थ १९६ रुपैयाँ १७ पैसा रहेको छ ।
