काठमाडौं । अर्थमन्त्री डा. युवराज खतिवडाले आगामी पुष मसान्त भित्र सबै स्थानीय तहमा वाणिज्य बैंकको शाखा पुर्याउने वातावरण मिलाउन नेपाल राष्ट्र बैंकलाई निर्देशन दिएका छन् । काठमाडौंको ज्ञानेश्वरमा कामना सेवा विकास बैंकको केन्द्रीय कार्यालय भवनको उद्घाटन गर्दै उनले यस्तो बताएका हुन् ।
अर्थमन्त्री डा. खतिवडाले १९ स्थानीय तहमा मात्र वाणिज्य बैंकको शाखा पुग्न बाँकी रहेको समेत जानकारी दिए ।
संघिय संरचना अनुसार स्थानीय तहमा विभिन्न किसिमका आर्थिक क्रियाकलाप बढ्न थालेपछि त्यहाँका जनताहरुमा बैंकको आवश्यकता बढेको अर्थमन्त्री खतिवडाले जानकारी दिए ।
अर्थमन्त्री डा. खतिवडाले भने संघीय संरचना अनुसार सबै स्थानीय तहमा वाणिज्य बैंकको शाखा स्थापना गर्ने अभियान कार्यान्वयनको क्रममा अधिकांश स्थानीय तहहरूमा छिट्टै बैंकको शाखा पुगेकोमा आफु पनि खुशी रहेको बताए ।
त्यस्तै, ६५ प्रतिशत नागरिक स्मार्ट फोनको पहुँचमा रहेको दाबी गर्दै अर्थमन्त्री डा. खतिवडाले सोही अनुपातमै मानिसहरु मनोबाइल बैंकिङमा जोडिने भएकाले बैंकिङ पहुँचबाट कोही पनि नेपाली टाढा नरहेको समेत बताए ।
कामना सेवा विकास बैंकको १३ औं वार्षिकोत्सवको अवसरमा नयाँ आफ्नै भवनको औपचारीक रुपमा उद्घाटन गरिको हो ।
