काठमाडौँ । आउँदो मङ्सिर १२ गतेदेखि १६ गतेसम्म भृकुटीमण्डपमा १७ औँ हस्तकला व्यापार मेला तथा १५ औँ हस्तकला प्रतियोगिता हुने भएको छ ।
उद्योग वाणिज्य तथा आपूर्ति मन्त्रालय, काठमाडौँ महानगरपालिका, ललितपुर महानगरपालिका, नेपाल पर्यटन बोर्ड, नेपाल उद्योग वाणिज्य महासंघ, नेपाल उद्योग परिसंघको संयोजन तथा नेपाल हस्तकला महासंघको आयोजनामा उक्त मेला आयोजना गरिएको हो । हस्तकला महासंघले आयोजना गर्न लागेको १५ औं श्रृंखलाको व्यापार मेला यस पटक पृथक बनाउने प्रयास गरिएको महासंघले जनाएको छ ।
उक्त मेलामा ७७ वटै जिल्ला हस्तकलाको सहभागिता रहने आयोजकले जनाएको छ । मेलामा धातुकला, सुनचाँदी, सुती, ढाकाका सामान, पस्मिना, छालाजन्य सामान, प्राकृतिक रेसा, बासँका सामानहरु प्रदर्शनमा राखिनेछन् । व्यापार मेलामा नेपालको मौलिक कलाको प्रदर्शनी हुने महासंघले जनाएको छ । नेपालबाट निर्यात हुने बस्तुहरुको सूचिमा हस्तकलाका बस्तुहरु पनि पर्दछ ।
