काठमाडौं । नयाँ नेपाल लघुवित्त वित्तीय संस्थाले आफ्ना लगानीकर्तालाई लाभांश दिने प्रस्ताव गरेको छ । लघुवित्तले २० प्रतिशत बोनस सेयर र कर प्रयोजनका लागि १.०५२६ प्रतिशत नगद लाभांश प्रस्ताव गरेको छ ।
लघुवित्तको कात्तिक २० गते बसेको सञ्चालक समिति बैठकले उक्त लाभांश दिने प्रस्ताव गरेको हो । यस लघुवित्तले आर्थिक वर्ष २०७५/०७६ को नाफाबाट लाभांश प्रस्ताव गरेको हो ।
प्रस्तावित लाभांश नेपाल राष्ट्र बैंक र कम्पनीको आगामी साधारणसभाबाट पारित गरेपछि मात्रै लगानीकर्ताले पाउने छन् ।
