काठमाडौँ । सरकारी लगानीमा सञ्चालित राष्ट्रिय बीमा संस्थानले अभिकर्ता तालिम सञ्चालन गर्ने भएको छ । संस्थानमा अभिकर्ता भई काम गर्न चाहाने व्यक्तिलाई लक्षित गर्दै पहिलो पटक कर्णाली प्रदेशमा तालिम सञ्चालन गर्न लागेको सुर्खेत शाखा प्रमुख रमेश उपाध्यायले बताएका छन् ।
संस्थानले बीमा व्यवसाय अभिवृद्धि तथा स्वरोजगारको अवसर सृजना गर्ने उद्देश्यका साथ संस्थानले जीवन बीमाको तालिम सञ्चालन गर्ने भएको हो । इच्छुक तथा योग्यता पुगेका आवेदकले मंसिर ३ गतेसम्म आवेदन दिन सक्ने सुर्खेत शाखाले जनाएको छ ।
संस्थानले मंसिर ५ गतेदेखि ७ गतेसम्म अभिकर्ताको तालिम सञ्चालन गर्ने जनाएको छ । संस्थानले शाखा कार्यलय विरेन्द्रनगर, सुर्खेतमा तालिम सञ्चालन गर्न लागेको हो ।
निवेदकले आवेदन दिदाँ नागरिकताको प्रमाणपत्रको प्रतिलिपि, शैक्षिक योग्यताको प्रतिलिपि र हालसालै खिचिएको पासफोर्ट साईजको ४ प्रति फोटो पेश गर्नु पर्ने जानकारी कम्पनीले दिएको छ ।
