काठमाडौं । नेपालमाथि सधैं कुदृष्टि राख्दै आएको भारतले नेपाली जमिन आफ्नो नक्सामा समावेश गरेर नयाँ नक्सा जारी गरेको छ । स्वतन्त्र काश्मिर भारतमा विलय गरेपछि दिएको विशेष अधिकार खारेज गर्दै केही पहिले लद्दाख र कास्मिरलाई विभाजन गरेको थियो । सो विभाजनपछि जारी नयाँ नक्सामा भारतले पश्चिम नेपालको कालापानी र लिपुलेकलाई भारतको नक्सामा समावेश गरिएको पाइएको छ ।
नेपाली भूमि भारततर्फ पारेर नयाँ नक्सा जारी गरेपछि राजनीतिक वृत्तमा पनि व्यापक आलोचना सुरु भएको छ । राप्रपा नेपालले बक्तव्यमार्फत नेपाली भूभाग भारतमा मिसाएर नयाँ नक्सा जारी गर्नु स्वाभिमानी नेपालीको लागि स्वीकार्य हुनै नसक्ने भएको जनाएको छ । सो पार्टीका प्रचार विभाग प्रमुख मोहन श्रेष्ठद्वारा बक्तव्यमा नेपालको कालापानी र लिपुलेकलाई भारतले आफ्नो नक्सामा समावेश गरेको भन्दै विरोध जनाइएको छ ।
यसैबीच, मोहन बैद्य नेतृत्वको माओवादीले नेपालको कालापानी र लिपुलेकलाई भारतमा गाभिएको भन्दै प्रधानमन्त्रीलाई ज्ञापन पत्र बुझाएको थियो ।
हेरौं नयाँ नक्सा ।
