काठमाडौं । नेरुडे लघुवित्त वित्तीय संस्थाले आर्थिक वर्ष २०७६ /७७ को पहिलो त्रैमासको वित्तीय विवरण प्रकाशन गरेको छ । लघुवित्त वित्तीय संस्थाले आर्थिक वर्ष २०७६/०७७ को पहिलो त्रैमाससम्म आइपुग्दा अधिकांश सूचकमा सकारात्मक परिर्वतन आएको छ ।
आर्थिक वर्ष २०७६/ ७७ को पहिलो त्रैमाससम्म आइपुग्दा लघुवित्तले २ करोड ६९ लाख ६६ हजार रुपैयाँ नफा कमाएको छ । गत आर्थिक वर्षको सोही अवधिको तुलनामा लघुवित्तको नाफा१७१ दशमलव ७५ प्रतिशतले बढी हो । गत आर्थिक वर्षको सोही अवधिमा लघुवित्तले ९९ लाख २३ हजार रुपैयाँ नाफा कमाएको थियो ।
लघुवित्तको खुद ब्याज आम्दानी र सञ्चालन नाफा दुवै सुधार भएको छ । यस अवधिसम्म लघुवित्तको खुद ब्याज आम्दानी र सञ्चालन नाफा क्रमशः २७ दशमलव ५६प्रतिशत र १७४ दशमलव ५० प्रतिशतले बढेको छ ।
यस अवधिसम्म आइपुग्दा लघुवित्तको खराब कर्जा १ दशमलव ७० प्रतिशत रहेको छ । प्रतिसेयर आम्दानी २७ रुपैयाँ १३ पैसा र प्रतिसेयर नेटवर्थ २ सय २९ रुपैयाँ ०९ पैसा रहेको छ ।
