काठमाडौं । महालक्ष्मी लाइफ इन्स्योरेन्स कम्पनीले जति लगानी त्यति नै फिर्ता, सित्तैमा सुरक्षा भन्ने नारासहित महालक्ष्मी लगानी फिर्ता म्यादी बीमा योजना ल्याएको छ । कम्पनीले यस बीमालेख प्रथमपटक २०७५ माघ २८ गते देखि यस बीमालेख योजना जारी गरेको हो ।
योजनाका बिशेषताहरु :
यस बीमा योजनामा सरिक हुनको लागि बीमितले बार्षिक, अर्धबार्षिक, मासिक रुपमा बीमाशुल्क बुझाउन सक्ने व्यवस्था कम्पनीले गरेको छ । यस योजनामा बीमा समाप्तीसम्ममा बीमित जीवित नै रहेमा बीमालेख अन्तर्गत भुक्तानी भएको आधारभूत बीमाशुल्क रकम बीमित स्वंयलाई भुक्तानी गरिने बीमालेखमा उल्लेख छ । अन्य कम्पनीका म्यादी बीमामा बीमित जीवित रहेमा रकम फिर्ता गर्ने व्यवस्था छैन । महालक्ष्मी लाईफले यस्तो सुविधा पहिलो पटक म्यादी बीमा योजना सुरु गरेको थियो ।
बीमालेख अवधिमा बीमितको मृत्यु भएमा :
पोलिसी अवधिमा बीमितको मृत्यु भएमा बीमालेखको सर्तहरुको अधिनमा रही बीमालेख अन्तर्गतको रकम एकमुष्ठ भुक्तानी गरिनेछ । साथै प्रस्तावकले लिएको बीमालेख चालुरहेको अवस्थामा प्रस्तावकको मृत्यु भएमा निजको परिवार वा नजिककको हकदारलाई बीमा रकम दिइन्छ ।
न्यूतनतम उमेर र पोलिसी अवधि :
यस म्यादी जीवन बीमामा सहभागी हुनको लागि न्यूनतम उमेर १८ बर्ष रहेको छ भने अधिकतम उमेर अधिकतम उमेर ६५ रहेको छ । यसका साथै यस बीमालेखको बीमा अवधि ५ , १०, १५, २०, २५ र ३० रहेको छ ।
बीमालेख धितोकर्जाको हकमा :
बीमालेखले समपर्ण मूल्य प्राप्त गरेपश्चात् बीमालेख धितो राखी कर्जा लिन सक्ने व्यवस्था छ । समर्पण मूल्यको अधिकतम ९० प्रतिशतसम्म बीमालेख कर्जा लिन सकिन्छ ।
