काठमाडौं । नेरुडे लघुवित्त वित्तीय संस्था लिमिटेडले ३० जना सहायक स्तरका उम्मेदवारलाई तीन दिने सेवा प्रवेश तालिम विराटनगरमा सम्पन्न गरेको छ ।
कार्यक्रममा वित्तीय संस्थाका नायव महाप्रबन्धक भाग नारायण साहु, विभागीय प्रमुहरु ऋषि प्रसाद न्यौपाने, दिनेश कटुवाल र कृष्ण बहादुर खड्काले लघुवित्त सम्बन्धि छुट्टा–छट्टै विषयमा प्रशिक्षण दिएको थियो । सोही अवसरमा संस्थाका प्रबन्ध सञ्चालक सुधिर कुमार श्रेष्ठले सहभागीहरुलाई सफलताको शुभकामना सहित सुवेच्छा मन्तव्य व्यक्त गरेका थिए ।
साथै संस्थाले कार्तिक ३ र ४ गते प्रदेश कार्यालय बुटवल अन्तर्गतका २३ जना कार्यालय प्रमुखहरुलाई बुटवलमा २ दिने स्वयम बिकास तालिम सम्पन्न गरेको छ भने कार्तिक ६ र ७ गते प्रदेश कार्यालय बर्दिवास अन्तर्गतका कार्यालय प्रमुखहरुलाई लक्षित गरी कार्यक्रम सञ्चालनको तयारी गरेको छ ।
बिराटनगरमा केन्द्रीय कार्यालय रहेकोे लघुवित्त वित्तीय संस्थाको रुपमा कार्यरत नेरुडेले २०७६ असोज मसान्तसम्ममा ३१ जिल्लामा ८७ वटा कार्यालय मार्फत १ लाख ३५ हजार ग्राहकलाई लघुवित्त सेवा प्रदान गर्दै आईरहेको छ ।
