काठमाडौं । आज सुनको भाउ घटेको छ । आज मंगलबार सुनको भाउ तोलामा दुई सय रुपैयाँले घटेको छ । मंगलबार छापावाला सुनको मूल्य प्रतितोला ७० हजार २०० रुपैयाँमा कारोबार भइरहेको छ ।
सोमबारको तुलनामा भाउ तोला २०० रुपैयाँले घटेको हो । यस्तै, तेजाबी सुनको मूल्य पनि २०० रुपैयाँ नै घटेर प्रतितोला ६९ हजार ९०० रुपैयाँमा कारोबार भइरहेको नेपाल सुन चाँदी व्यावसायी महासंघले जनाएको छ ।
त्यस्तै, चाँदीको मूल्य भने स्थिर नै रहेको छ । मंगलबार चाँदी प्रतितोला ८५० रुपैयाँ कारोबार भइरहेको छ ।
