काठमाडौं । नक्कली नोट छापेर मालामाल बन्ने तीन जनालाई प्रहरीले रंगेहात पक्राउ गरेको छ । काठमाडौंको बौद्धस्थित नयाँवस्तीबाट प्रहरीले नक्कली नोट छाप्ने मेसिनसहित ३ जनालाई पक्राउ गरेको जनाएको छ ।
नक्कली नोट छाप्नेको विषयमा प्रहरीले सूचना सार्वजनिक गरेको छैन । विशेष सुराकीको आधारमा प्रहरीले छापा मार्दा नक्कली नोट छपाई गरिरहेको अवस्थामा तीन जनालाई ३५ हजार रुपैयाँ नक्कली नोट सहित पक्राउ गरिएको महानगरी प्रहरी परिसर काठमाडौंले जनाएको छ । उनीहरुलाई खोटाचलन अन्तर्गत अनुसन्धान भइरहेको छ ।
हेर्दा उस्तै लाग्ने कागजमा उच्च गुणस्तरको छपाईमार्फत नोट छपाई गर्दै गरेको अवस्थामा प्रहरीले पक्राउ गरेको जनाएको छ । उनीहरुले कति नोट बजारमा प्रवाह गर्न भ्याए भन्ने खुल्न सकेको छैन ।
