काठमाडौँ । नेपाल प्रहरीमा १५ हजारको हाराहारीमा दरबन्दी रिक्त रहेको छ । जनपद र प्राविधिक गरी ७५ हजार ९ सय २७ जनाको दरबन्दी रहेको नेपाल प्रहरीमा हाल ६४ हजार ३ सय २३ जना मात्रै प्रहरी कार्यरत छन् ।
पुरानो ११ हजार ६ सय ४ दरबन्दी रिक्त रहेको नेपाल प्रहरीमा ३ हजार ५ सय ९६ नयाँ दरबन्दी थप्ने प्रस्ताव स्वीकृति भएसँगै १५ हजार ३ सय दरबन्दी खालि भएको हो । नयाँ दरबन्दी थप गर्ने प्रस्ताव स्वीकृत भए पछि भने कुल दरबन्दी ७९ हजार ५ सय २३ पुगेको छ । नयाँ दरबन्दी स्वीकृतिअनुसार नेपाल प्रहरीमा प्राविधिक एक, तीन जना प्रहरी वरिष्ठ उपरीक्षक (एसएसपी) पदको दरबन्दी थप हुनेछ ।
यस्तै, प्रहरी उपरीक्षक (एसपी)मा चार, प्रहरी नायब उपरीक्षक (डिएसपी) २१, २७ जनपद, र २० प्राविधिक गरी प्रहरी निरीक्षक ४७ जना थपिने छन् । यस्तै, प्रहरी नायब निरीक्षक ८६, प्रहरी सहायक निरीक्षक २९७, प्रहरी हवल्दार ६८३, प्रहरी जवान २ हजार २१६ प्रहरी जवान र कार्यालय सहायक २३९ थपिने भएका छन् ।
३ हजार ५ सय ९६ दरबन्दी थप भएको नेपाल प्रहरीमा प्राविधिक तर्फ १ सय २९ जनाको दरबन्दी थप भएका छन् । एसएसपी १, एसपी २, डीएसपी १२, इन्ेपेक्टर २० गरी जम्ममा १२९ जनाको दरबन्दी थप भएको हो ।
