काठमाडौं । पेशागत अभिकर्ता संघ अन्तर्गतको नेपाल लाईफ इन्स्योरेन्स शाखाले बडा दशैंको अवसर पारेर आज चियापान कार्यक्रमको आयोजना गरेको छ । चियापान कार्यक्रममा नेपाल लाईफ इन्स्योरेन्स कम्पनीका सिईओ विवेक झाको उपस्थितिमा सम्पन्न भएको थियो । कार्यक्रममा बीमा अभिकर्ता तथा कार्यालयका कर्मचारीहरुको सहभागिता रहेको थियो । पेशागत अभिकर्ता संघका अध्यक्ष नन्द प्रसाद तिवारी, उपाध्यक्ष कृष्ण प्रसाद आचार्य, कोषाध्यक्ष सञ्जय प्रसाद ढकाललगायतका केन्द्रीय नेतृत्वको समेत उपस्थिति रहेको थियो ।
शुभकामना आदान प्रदान कार्यक्रममा नेपाल लाईफ इन्स्योरेन्सका विभागीय प्रमुखहरुको पनि उपस्थिति रहेको थियो । बडा दशैंको अवसरमा शुभकामना आदान प्रदान गर्दै एजेन्सी तथा व्यवस्थापनबीच खुशी साटासाट गरेर कम्पनीको मनोबल बृद्धि गर्ने काम गरेको कम्पनीले जनाएको छ ।
