काठमाडौँ । जनता बैंकले १२ प्रतिशत लाभांश दिने भएको छ ।
बैंकको सञ्चालक समितिको आइतबार बसेको २९१ औं बैठकले शेयरधनीलाई ६ प्रतिशत बोनस शेयर र ६ प्रतिशत नगद गरि कूल १२ प्रतिशत लाभांश वितरण गर्ने प्रस्ताव गरेको हो ।
बैंकले ४८ करोड ४७ हजार १५५ रुपैयाँ बोनस वितरण गर्नेछ । यस्तै बैंकले ४८ करोड ४७ हजार १५५ रुपैयाँ नगद लाभांश बाँड्नेछ ।
उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले अनुमोदन गरे पश्चात शेयरधनीले पाउनेछन् ।
