काठमाडौं । तेह्रथुम पावर कम्पनीले आइपीओ निष्काशन गर्ने भएको छ । तेह्रथुम पावरले आइपीओ ल्याउन क्रेडिट रेटिङ गराएको छ । रेटिङ एजेन्सी इक्रा नेपालले यस पावरको आइपीओलाई औसत भन्दा कम अवस्था जनाउने ग्रेड ४ प्लस रेटिङ दिएको छ ।
तेह्रथुमले आइपीओका लागि रेटिङ गरे पनि हालसम्म नेपाल धितोपत्र बोर्डमा आवेदन भने दिएको छैन् । नेपाल धितोपत्र बोर्डमा आवेदन दिएर स्वीकृत भएपछि आइपीओ निष्कासन प्रक्रिया सुरु हुनेछ ।
यस जलविद्युत आयोजनाको कुल लागत १ अर्ब ३७ करोड ६० लाख रुपैयाँ रहेको छ । यसको प्रतिमेगावट लागत भने १८ करोड ३० लाख रुपैयाँ छ । कम्पनीले १०० रुपैयाँका दरले १२ लाख कित्ता सेयर निकाष्सन गर्नेछ ।
तेह्रथुम पावर कम्पनी २००९ मा स्थापना भएको हाइड्रोपावर कम्पनी हो । हाल यसको चुक्ता पँुजी २८ करोड रुपैयाँ छ । आइपीओ बिक्रीपछि पुँजी ४० करोड पुग्नेछ ।
