काठमाडौं । राष्ट्रिय बीमा संस्थानले जीवन बीमा अभिकर्ताको आधारभुत तालिम सम्पन्न गरेको छ । उक्त कार्यक्रम संस्थानले भदौ २६ गतेदेखि २८ गतेसम्म पोखरामा आयोजना गरेको थियो ।
जीवन बीमा अभिकर्ता संख्या वृद्धि तथा व्यवसाय विस्तार गर्ने उद्देश्यले जीवन बीमा अभिकर्ताको आधारभूत तालिम संचालन गरेको संस्थानले जनाएको छ । उक्त तालिममा ५० जना बीमा अभिकर्ताको सहभागिता रहेका थिए ।
तालिममा सहभागिहरुलाई बीमाको परिचय, सिद्धान्त, प्रकार र संस्थानमा रहेका बीमालेखहरुको जानकारी दिइएकोे थियो । उक्त तालिममा बीमा ऐन, नियमवाली लगायतका बीमा सम्बन्धित अन्य कानूनहरुको बारेमा जानकारी दिईएको संस्थानले जनाएको छ ।
साथै, सो कार्यक्रममा संस्थानमा बीमालेख जारी प्रकृया तथा अभिकर्ता सेवा सुविधाहरुको बारेमा जानकारी दिईएको थियो ।
यसैबीच, यही भदौ २९ संस्थानले जीवन बीमा अभिकर्ता छलफल ताथ अन्रक्रिया कार्यक्रम सम्पन्न गरेको छ । पोखरा क्षेत्रमा कार्यरत दर्जन बढि सक्रिय अभिकर्ता र संस्थानमा आवद्ध कर्मचारीहरुको उपस्थिति रहेको संस्थानले जनाएको छ ।
