काठमाडौं । गुराँस लाइफ इन्स्योरेन्स १०० प्रतिशत हकप्रद सेयर बिक्री गर्ने भएको छ ।कम्पनीले १ः१ अनुपातमा ९३ लाख ८५ हजार २०० कित्ता हकप्रद सेयर बिक्री गर्न धितोपत्र बोर्डसँग अनुमति मागेको छ ।
हाल कम्पनीको चुक्ता पुँजी ९२ करोड ९४ लाख ६२ हजार ९०० रुपैयाँ रहेको छ । हकप्रद निष्कासनपछि भने पुँजी १ अर्ब ८६ करोड ७९ लाख ८२ हजार ९०० रुपैयाँ पुग्नेछ ।
बीमा समितिले तोकेको दुर्ई अर्ब रुपैयाँ चुक्ता पुँजी पुर्याउन गुराँसले हकप्रद ल्याउन लागेको हो । कम्पनीको बिक्री प्रबन्धकको काम एनएमबी क्यापिटल रहेको छ ।
कम्पनीको प्रतिसेयर आम्दानी ८ रुपैयाँ २२ पैसा रहेको गुरासको प्रतिसेयर नेटवर्थ भने १३३ रुपैयाँ ९२ पैसा रहेको छ।
