काठमाडौं । लुम्बिनी विकास बैंकले रक्तदान कार्यक्रम सम्पन्न गरेको छ । बैंकले आफ्नो संस्थागत सामाजिक उत्तरदायित्व कार्यक्रम अन्र्तगत पोखरा महेन्द्रपुल शाखाको प्राङगणमा लायन्स क्लब अफ माछापुच्छे्र भिलेज सँगको सहकार्यमा रक्तदान कार्यक्रम सम्पन्न गरेको हो ।
उक्त रक्तदान कार्यक्रममा बैंकका सञ्चालकज्यूहरु, कार्यरत कर्मचारी र शुभचिन्तकहरु गरी सहभागी मध्ये जम्मा ९७ जनाले रक्तदान गरेका थिए ।
हालसम्म बैंकले देशभरका ६५ शाखाहरु र १४ वटा एटिएमबाट आफ्ना करिब २ लाख ४० हजार ग्राहकहरुलाई उच्च स्तरीय आधुनिक एवं नविनतम प्रविधिसहितको बैंकिङ्ग सेवा प्रदान गर्दै आईरहेको छ ।
बैंकले २०७६ असार मसान्त सम्ममा २४ अर्ब ८० करोड निक्षेप संकलन गरी २२ अर्ब ७६ करोड कर्जा प्रवाह गर्नुका साथै आ.व. २०७५/०७६ को आषाढ मसान्तसम्ममाको अपरिष्कृत वित्तीय विवरण अनुसार वोनस र कर अघि ९३ करोड ६० लाख मुनाफा आर्जन गर्न सफल भएको छ ।
