काठमाडौं । बीमा समितिले प्राइम लाइफ इन्स्योरेन्स कम्पनीलाई बोनस सेयर वितरण गरी चुक्ता पुँजी दुई अर्ब रुपैयाँ पुराउन बाटो खुला गरिदिएको छ ।
बीमा समितिको सहमतिसँगै सञ्चालक समितिको बैठकले विशेष साधारणसभा बोलाउने र बोनस सेयर वितरण गर्ने प्रस्ताव सभामा लैजाने निर्णय गर्ने तयारी गरेको छ ।
हाल प्राईम लाईफको पुँजी १ अर्ब ७८ करोड रुपैयाँ छ । एनएफआरएस अनुसार आर्थिक वर्ष २०७४।७५ को बार्षिक प्रतिबेदन बीमा समितिबाट स्वीकृत हुन बाँकी नै भएकोले प्राइमलाइफ इन्स्योरेन्स कम्पनीले अब विशेष साधारणसभा गरेर बोनस सेयर वितरण गर्ने भएको छ ।
समितिले पुँजी वृद्धिमा कडाई गरेपश्चात् कम्पनीले फ्रि रिजर्भमा रहेको करिव २३ करोड रुपैयाँबाट बोनस सेयर वितरण गरी चुक्ता पुँजी २ अर्ब रुपैयाँ बनाउने बाटो रोजेको हो ।
