काठमाडौं । एशियन लाईफ इन्स्योरेन्स डिजिटल रकम भुक्तानी गर्ने माध्यम इसेवाबीच सम्झौता भएको छ । सम्झौतासँगै एशियन लाईफ इन्स्योरेन्स कम्पनीको बीमाशुल्क अब तपाईले ई–सेवाको एप्सबाट पनि भुक्तानी गर्न सकिने एशियन लाईफ इन्स्योरेन्स कम्पनीले जनाएको छ ।
बीमितहरुले आफ्नो प्रिमियम भुक्तानीको लागी इसेवा एप्सको नयाँ सेवासूचीमा रहेको एशियन लाईफ इन्स्योरेन्सको लोगोमा क्लिक गरेपछि रकम भुक्तानी गर्न सकिने कम्पनीले जनाएकोछ ।
इसेवामा बीमालेख नम्बर र जन्म मिति इन्ट्री गरेर पुनः क्लिक गरेपछि त्यसपछि भुक्तानीको आदेश दिन सकिने कम्पनीले जनाएको छ ।
तर, नविकरण भइरहेको बीमालेखको मात्रै भुक्तानी इसेवाबाट गर्न सकिने छ । व्यतित बीमालेखको हकमा बीमाशुल्क भुक्तानी गर्नको लागी कम्पनीको शाखा कार्यालयमा सम्पर्क राखि सिष्टम सुचारु गर्नुपर्नेछ । सम्झौतासँगै जीवन बीमाको प्रिमियक शुल्क भुक्तानी अझै प्रक्रिया सहज र सरल भएको छ ।