काठमाडौं । नेको इन्स्योरेन्स लिमिटेडको २३ औं वार्षिक साधारणसभा भदौं १४ गते शनिबार काठमाडौंमा सम्पन्न भएको छ । सधारणसभाले आर्थिक वर्ष २०७४/०७५ को मुनाफाबाट १२ प्रतिशत बोनस सेयर वितरण गर्ने प्रस्ताव सर्वसम्मत रुपमा पारित भएको सो बीमा कम्पनीले जनाएको छ ।
कम्पनीको साधारणसभाले १४ करोड ११ लाख ५३ हजार ४०८ रुपैयाँ बराबरको १२ प्रतिशत बोनस सेयर सेयरधनीलाई वितरण गर्ने र बोनस शेयर वितरण गर्दा लाग्ने कर प्रयोजनको लागि ७४ लाख २९ हजार १२७ रुपैयाँ नगद लाभांश पारित गर्ने सम्बन्धी प्रस्ताव सर्वसम्मत रुपमा पारित गरेको छ ।
सञ्चालक समितिका अध्यक्ष रमेश कुमार निरौलाको अध्यक्षतामा सम्पन्न भएको साधारणसभाले बार्षिका प्रतिवेदन, आर्थिक वर्ष २०७४/०७५ को वित्तीय विवरण, सञ्चालक समितिको बैठक भत्ता तथा उपसमितिको बैठक भत्ता बढाउने प्रस्ताव समेत पारित गरेको छ ।
