काठमाडौं । आर्थिक वर्ष २०७५ /७६ को लागि बैंक तथा वित्तीय संस्थाहरुले धमाधम लाभांश प्रस्ताव गरिरहेका छन् । हालसम्म १७ वटा बैंक तथा वित्तीय संस्थाहरुले आर्थिक वर्ष २०७५/७६ को लागि लाभांश प्रस्ताव गरिसकेका छन् । बाँकी बैंक तथा वित्तीय संस्थाहरु पनि लाभांश घोषणा गर्न आत्तुर छन् ।
हालसम्म आर्थिक वर्ष २०७५ /७६ को लागि ४ वटा वाणिज्य बैंकहरुले लाभांश घोषणा गरिसकेका छन् । लाभांश घोषणा गर्ने वाणिज्य बैंकहरुमा सिटिजन्स बैंक, कुमारी बैंक, माछापुच्छ्रे बैंक र एनआइसी एशिया बैंक हुन् ।
लाभांश घोषणा गरेका वाणिज्य बैंकहरुमध्ये सबैभन्दा धेरै एनआइसी एशिया बैंकले घोषणा गरेको छ । बैंकले १० प्रतिशत बोनश शेयर प्रस्ताव गरेको छ भने ११ दशमलव ०५ प्रतिशत नगद लाभांश प्रस्ताव गरेको छ ।
त्यस्तै, १३ वटा लघुवित्त वित्तीय संस्थाहरुले पनि आर्थिक वर्ष २०७५ /७६ को लागि लाभांश प्रस्ताव गरिसकेका छन् ।
लाभांश घोषणा गरेका लघुवित्त वित्तीय संस्थामध्ये सबैभन्दा धेरै मिर्मिरे लघुवित्तले घोषणा गरेको छ । लघुवित्तले ४५ प्रतिशत बोनश शेयर प्रस्ताव गरेको छ भने २ दशमलव ३७ प्रतिशत नगद लाभांश प्रस्ताव गरेको छ ।
हालसम्म वाणिज्य बैंक, म्युचअल फन्ड र वटा लघुवित्त वित्तीय संस्थाहरु बाहेक अन्य क्षेत्रका कम्पनीहरुले आर्थिक वर्ष २०७५ /७६ को लागि लाभांश घोषणा गरेका छैनन् ।
