काठमाडौं । राष्ट्रिय बीमा संस्थानले आफ्ना बीमा अभिकर्ताहरुलाई प्रोत्साहनसम्वन्धी व्यवस्थाबारे जानकारी दिने उद्देश्यले छलफल तथा अन्तरक्रिया कार्यक्रम सम्पन्न गरेको छ । उक्त कार्यक्रममा झण्डै १ सय जना बीमा अभिकर्ताहरु सहभागी रहेका थिए ।
कार्यक्रममा संस्थानका प्रशासक कविप्रसाद पाठक, नायक महाप्रवन्धक महेश रिमाल, बजार व्यवस्थापक चुडा अधिकारीले अभिकर्ताहरुले नयाँ इन्सेन्टिभ व्यवस्थाबारेमा जानकारी गराएका थिए ।
प्रशासक पाठकले आफूहरुले बीमा अभिकर्ताको सुझावअनुसार नै नयाँ सफ्टवयर प्रयोगमा ल्याएपछि अभिकर्ताहरुलाई प्रोत्साहन गर्न र नयाँ प्रोडक्टहरु ल्याउन बाटो खुलेको भन्दै टाँडै नै आफूहरुले बजारको माग र आवश्यकताअनुसारका प्रोडक्टहरु ल्याउने बताए ।
