काठमाडौं । गण्डकी विकास बैंकले आर्थिक वर्ष २०७५/७६ को वित्तीय विवरण प्रकाशित गरेको छ । बैंकले आर्थिक वर्ष २०७५/७६ को अन्त्यसम्म आइपुग्दा ६१ करोड १२ लाख रुपैयाँ खुद नाफा कमाएको छ । अघिल्लो वर्षको यसै अवधिको तुलना बैंकको नाफा २३ दशमलव ३६ प्रतिशतले बढी हो । अघिल्लो आथिृक वर्षमा बैंकले ४९ करोड ५५ लाख रुपैयाँ खुद नाफा कमाएको थियो ।
बैकले खुद ब्याज आम्दानी पनि २६ दशमलव ६४ प्रतिशतले बढाएर १ अर्ब ३१ करोड ७८ लाख रुपैयाँ पुर्याएको छ । यस्तै, सञ्चालन नाफा पनि २४ प्रतिशतले बढेर ८६ करोड २५ लाखरुपैयाँ पुगेको छ ।
गण्डकीले असार मसान्तसम्म २९ अर्ब ९२ करोड ८७ हजार रुपैयाँ निक्षेप संकलन गरी २५ अर्ब ६४ करोड १ हजार रुपैयाँ कर्जा प्रवाह गरेको छ ।
बैंकले प्रतिसेयर आम्दानी पनि ४ रुपैयाँ ६५ पैसाले बढाएर २२ रुपैयाँ २३ पैसा पुर्याएको छ । गत वर्ष प्रतिसेयर अम्दानी १७ रुपैयाँ ५८ पैसा रहेको थियो । गण्डकीको प्रतिसेयर नेटवर्थ १ सय ४४ रुपैयाँ ६९ पैसा रहेको छ ।
