काठमाडौं । प्रभु लाईफ इन्स्योरेन्स कम्पनीले आर्थिक वर्ष २०७५।७६ को चौथोे त्रैमाससम्ममा ४७ करोड १४ लाख रुपैयाँ कुल बीमा शुल्क आर्जन गर्न सफल भएको छ ।
कम्पनीले प्रकाशन गरेको चौथो त्रैमासको वित्तिय विवरण अनुसार उक्त अवधिमा ३० हजार ७ सय ८३ वटा बीमालेख जारी गरी सो रकम आजर्न गर्न सफल भएको हो । त्यस्तै, कम्पनीले आर्थिक वर्ष २०७५।७६ को चौथोे त्रैमास सम्ममा ६९ लाख १५ हजार रुपैयाँ दाबी भुक्तानी गरेको छ ।
कम्पनीको भुक्तानी हुन बाँकी दाबी रकम एक लाख ८८ हजार रुपैयाँ रहेको छ । सात करोड ७५ लाख रुपैयाँ जगेडा कोष रहेको कम्पनीको चुक्ता पूँजी एक अर्ब ४० करोड रुपैयाँ रहेको छ । कम्पनीले जीवन बीमा कोषमा ३४ करोड १३ लाख ६५ हजार रुपैयाँ जम्मा गरेको छ ।
कम्पनीको प्रतिशेयर आम्दानी २ रुपैयाँ ७२ पैसा रहेको छ । कम्पनीले चौथो त्रैमासको अवधिमा ३ करोड ८१ लाख रुपैयाँ खुद नाफा नाफा आर्जन गर्न सफल भएको छ । जीवन बीमा कम्पनीहरुको मुनाफा लगायतको वित्तिय विवरणहरु लेखापरिक्षणको क्रममा बीमांकीय मूल्याङ्कनको क्रममा फेरबदल हुनसक्छ ।
