काठमाडौं । डिजिटल माध्यमबाट ग्रामीण भेगसम्म वित्तीय सेवा पुर्याउनका लागि इसेवा र युके एड सक्षमबीच सम्झौता भएको छ ।
बुधबार राजधानीमा आयोजित कार्यक्रममा इसेवा फोनपेका प्रमुख कार्यकारी अधिकृत सुभास सापकोटा र यूके एड समक्षका निर्मल दाहालले सम्झौतामा हस्ताक्षर गरेका हुन् ।
यस सम्झौतामार्फत स्थापित इसेवा क्यास प्वाइन्टले डिजिटल माध्यममार्फत ग्रामीण उपभोक्ताहरुलाई वित्तीय सेवा प्रदान गर्नेछ ।अहिले ७ लाख मानिसहरु डिजिटल्ली बैंक खातामा जोडिएको भन्दै यसलाई बढाउनुपर्ने कम्पनीले जनाएको छ ।
यस सम्झौताले बैंकमा खाता खोल्न, रकम जम्मा गर्न तथा रकम पठाउनका लागि सहयोग पुग्ने कम्पनीले जनाएको छ । सक्षम एक्सेस टु फाइनान्स नेपाल तथा संयुक्त अधिराज्य सरकारबीच भएको सम्झौता बमोजिम सञ्चालन भइरहेको कार्यक्रम हो ।
जसलाई डीएफआईडी नेपालको तर्फबाट लुइस बर्जरले स्थानीय तथा अन्तराष्ट्रिय संस्थाहरुसँगको साझेदारीमा कार्यान्वयन गरिरहेको छ ।
इसेवामा हाल २० लाख ग्राहक ५५ हजार एजेन्ट नेटवर्क, ५४ वटा सदस्य बैंक तथा ३० हजार मर्चेन्ट जोडिएको सो कम्पनीले जनाएको छ ।
