काठमाडौं । हिमालयन जनरल इन्स्योरेन्सले आर्थिक वर्ष २०७५/७६को चौथो त्रैमासको वित्तीय विवरण प्रकाशित गरेको छ । कम्पनीले आर्थिक वर्ष २०७५/ ७६ को चौथो त्रैमाससम्म आइपुग्दा १९ करोड ८५ लाख रुपैयाँ नाफा कमाएको छ । अघिल्लो वर्षको सोही अवधिको तुलनामा कम्पनीको नाफा ४० प्रतिशतले बढी हो । गत आर्थिक वर्षको सोही अवधिको तुलनामा कम्पनीले १४ करोड १६ लाख रुपैयाँ खुद नाफा कमाएको थियो ।
आर्थिक वर्ष २०७५ /७६ को चौथो त्रैमाससम्ममा कम्पनीको बिमा कोषमा ४७ करोड ३० लाख रुपैयाँ रहेको छ । गत आथिृक वर्षको सोही अवधिको तुलनामा कम्पनीले बीमा कोषमा रकम २७ प्रतिशतले बढाएको हो ।
यस्तै, कम्पनीले जगेडा कोषमा पनि ६४ प्रतिशतले सञ्चिती बढाएर २५ करोड ५२ लाख रुपैयाँ जम्मा गरेको छ । खुद बीमा शुल्क आर्जन भने १८ प्रतिशतले घटेको छ । आर्थिक वर्ष २०७५ /७६ को चौथो त्रैमाससम्ममा कम्पनीले २९ करोड ९ लाख रुपैयाँमा बीमा शुल्क आर्जन गरेको छ । गत आर्थिक वर्षको सोही अवधमा कम्पनीले ३२ करोड ८८ लाख रुपैयाँ बीमा शुल्क आर्जन गरेको थियो ।
आर्थिक वर्ष २०७५/ ७६ को १२ महिनाको अवधिसम्म आइपुग्दा कम्पनीले १७ करोड ४८ लाख रुपैयाँ बराबरको खुद दाबी भुक्तानी गरेको छ । कुल दाबी भुक्तानी हुन बाँकी रकम भने १ अर्ब ४९ करोड ५२ लाख रुपैयाँ रहेको छ ।
हाल कम्पनीको चुक्ता पुँजी १ अर्ब २ करोड ७२ लाख रुपैयाँ रहेको छ । प्रतिसेयर आम्दानी १९ रुपैयाँ ३३ पैसा रहेको छ ।
