काठमाडौं । बजारमा बिक्री चाप आएसँगै यो साता नेप्से परिसुचक ६ दशमलव ०८ अंकले घटेको छ । अघिल्लो साता नेप्से परिसुचक १२६९ दशमलव ९२ अंकको विन्दुमा कायम भइ बन्द भएको थियो भने यो साता नेप्से परिसुचक १२६३ दशमलव ८४ अंकको विन्दुमा गएर बन्द भएको छ ।
यो साता दोस्रो बजारमा ७४ लाख ८१ हजार कित्ता शेयर खरिदविक्री हुँदा अघिल्लो साता दोस्रो बजारमा ७१ लाख ९२ हजार कित्ता शेयर खरिदविक्री हुँदा २ अर्ब ८ करोड ६१ लाख रुपैयाँको कारोबार भएको छ । अघिल्लो साता ८५ लाख ९९ हजार कित्ता शेयर खरिद विक्री हुँदा १ अर्ब ९० करोड ११ लाख रुपैयाँको कारोबार भएको थियो ।
यो साता सबैभन्दा धेरै नेपाल बैंकको १० करोड ४० लाख रुपैयाँको कारोबार भएको छ । यो साता टप टेन कारोबार गरेका कम्पनीहरुमा कृषि विकास बैंक, प्रभु बैंक, नेको इन्स्योरेन्स प्रोमोटर शेय, नबिल बैंक, शिवम् सिमेन्ट, एनआइसी एशिया बैंक र मेगा बैंक, छिमेक लघुवित्त र यूनाइटेड इन्स्योरेन्स कम्पनी हुन् ।
यो साता जीवन बीमा समुहको १ लाख ३८ हजार कित्ता शेयर किनबेच हुँदा ८ करोड ६६ लाख रुपैयाँको कारोबार भएको छ । निर्जीवन बीमा समुहको २ लाख ८६ हजार कित्ता शेयर किनबेच हुँदा १४ करोड ७८ लाख रुपैयाँको कारोबार भएको छ ।
